مرحبا بك من جديد يا زائر ونتمنى لك قضاء وقت مفيد وممتع معنا
 
الرئيسيةس .و .جالتسجيلدخول

شاطر | 
 

 عايز تعرف مــخـالــفـات عربيتك خش بسرعة

اذهب الى الأسفل 
كاتب الموضوعرسالة
ساره
عضو فعال
عضو فعال
avatar

عدد الرسائل : 420
السٌّمعَة : 4
نقاط : 4247

مُساهمةموضوع: عايز تعرف مــخـالــفـات عربيتك خش بسرعة   الخميس 06 مارس 2014, 10:22 am


مخالفات المرور

بسهولة جدا وانت في بيتك تقدر تعرف مخالفاتك بالتفصيل وتقدر تتظلم كمان والأكثر من كده إنك تاخد شهادة برائة زمة مالية وأنت في مكانك

حد مصدق إن مصر فيها الكلام ده يا جدعان ؟

وزارة الداخلية ربنا يخليها عفت عن الشعب وأوقفت الحكم المؤبد على المواطنين بالتعذيب أمام الشبابيك وتضيع الوقت والدوخه والرشاوي

وزارة الداخليه ربنا يخليها يا رب أفرجت عن الشعب المصري لسوء سيره وسلوكه طوال مدة الحكم المؤبد إللي كنا واخدينه بالذاب والأشغال الشاقة أمام وحدات المرور المختلفة

أيه بقى إللي حصل وإيه بقى إللي جرى ؟


الواد أبن أبو سليم أبو لسان زالف كان بيلقح على الحكومة وبيقول أنها مش ناوية تواكب العصر وتعتمد على العفريت إللي ساكن في شبكة الأنترنت وتخليه يخدم الناس ويجيب لهم طلباتهم لحد عنديهم وهما في أماكنهم زي بقيت مخاليق ربنا في الدول التانيه

بس أهو ربنا كسفه وخللا الحكومه تحضر الجن إللي ساكن في شبكة الأنترنت و بقى يوصل الرخص لحد الناس فس أماكنهم دلوقتي

و عشان ربنا كبير ورحمته واسعه حط في قلب الحكومة زرة رحمة وخلاهم يقدموا بعض الخدمات من خلال الأنترنت وأفرج عن الناس وعفا عنهم وعن الأشغال الشاقة المؤبدة إللي كانوا بيعملوها طول فترة العقوبة السابقة

ومن رحمة ربنا أنك دلوقتي تقدر تدوس على اللينك ده


مخالفات المرور


وتشوف مخالفاتك بالتفصيل الممل وتتظلم كمان
ويترد عليك خلال يومين ويقولولك إذا كان تظلمك مقبول ولا لاه
وتقدر تدفع مخالفاتك وأنت في بيتك سواء كان معاك "فيزا" أو "ماستر" كارد أو حتى ممعكش
لو معاك طريقة دفع ألكترونيه "فيزا" أو ماستر" أو أي وسيله تانيه هاتدفع وأنت قاعد قدام جهاز الكومبيوتر و شهادة برائة الزمة المالية من المخالفات هاتجيلك لحد عندك على العنوان إللي أنت تحدده وفي الميعاد إللي يناسبك (ياحلاوه ياولاد)

ولو ممعاكش وسيلة دفع الكترونيه تختار أختيار تاني وهو "الدفع عند الاستلام" يعني هاتدفع لما تجيلك الشاهدة لمندوب البريد بس هاتضيف 3 جنيه على قيمة المخالفات هههههههههه مش مصدقين طبعا
[/b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عايز تعرف مــخـالــفـات عربيتك خش بسرعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم بلا حدود magex007 :: منتــــديـات الهـوايـــــات :: منتـــدى عـالـم السيــارات-
انتقل الى: